საზაფხულო გარე აქტივობები ბავშვებისათვის

ზაფხული ბავშვების ერთ-ერთი ყველაზე საყვარელი სეზონია, აი მშობლებისთვის კი უფრო თავსატეხი. რთულია ბაღიდან და სკოლიდან თავისუფალი ბავშვებისთვის, ისეთი აქტივობების მოფიქრება, რომ ენერგიაც დახარჯონ და თან გაჯეტებსაც თავი დააღწიონ. ამ ბლოგში ვეცდებით, ცოტათი მაინც შევუმსუბუქოთ მშობლებს ეს საზრუნავი და შემოგთავაზებთ ნივთებსა და სათამაშოებს, რომლებიც პატარების ყურადღებას ნამდვილად მიიპყრობს.

თუ კერძო სახლში ცხოვრობთ, საბავშვო კარავი ბავშვების გასართობად ძალიან კარგი ვარიანტია. ბავშვებს უყვართ წარმოსახვითი სამყაროს შექმნა და იქ პირადი საზღვრების დაწესება, ამ ყველაფერში კი კარავი ნამდვილად ეხმარებათ.

დარწმუნებული ვარ, წუწაობის მომენტები თქვენი ბავშვობის ბევრ ტკბილ მოგონებებს გახსენებთ, ამიტომ თქვენს პატარებსაც ნუ აუკრძალავთ და სჯობს მეტი კომფორტისთვის წყლის სათამაშო თოფებიც მოუმარაგოთ.

სპორტის მოყვარული ბავშვებისთვის კალათბურთის ფარი და ფეხბურთის კარი სწორედ ის სათამაშოებია, რომლით თამაშიც არასდროს არ მობეზრდებათ.

აუზი ზაფხულის ცხელი დღეების ერთ-ერთი ყველაზე საყვარელი აქტივობაა. აუზის ბევრი სახეობა არსებობს ზომის, კონსტრუქციის, ფორმისა თუ მოცულობის მიხედვით. გადაწყვეტილების მიღება ხშირად რთულია მაგრამ, როგორ აუზზეც არ უნდა შეაჩეროთ არჩევანი იმაში დარწმუნებული იყავით, რომ თქვენი ბავშვები ძალიან ძალიან ბედნიერები იქნებიან ამ შენაძენით.

როლიკები და თვითგორიალები პარკში სეირნობისას აუცილებლად გამოგადგებათ. თუ თქვენი პატარა წელს პირველად უნდა დადგეს რომელიმე მათგანზე, მაშინ ეს ზაფხული თქვენთვისაც და პატარებისთვისაც განსაკუთრებული იქნება, რადგან ბავშვები ახალი სირთულეების დაძლევის ეტაპებს კარგად იმახსოვრებენ.

ზაფხულის მხუნვარე შუადღეს, როცა არ იცით რითი დააკავოთ ბავშვი რომ მზეზე არ ირბინოს, სამაგიდო თამაშები ნამდვილად კარგი გამოსავალია. ან საღამოს მეგობრული შეკრებებისთვისაც შეიძლება მათი გამოყენება. გარდა, იმისა რომ ბავშვებს გაართობთ, სამაგიდო თამაშები ინტერაქციულია და მთელი ოჯახის ჩართულობა, ჩვეულებრივ ზაფხულის საღამოებს ჯადოსნურ ოჯახურ მოგონებებად აქცევს.

ქვიშა ბავშვებს არა მხოლოდ მოტორული უნარების არამედ, ნერვული სისტემის განვითარებაშიც ეხმარებათ. ამიტომ, გარდა გასართობი და დროის გასაყვანი აქტივობისა, ქვიშაში თამაში ბავშვებისთვის სასარგებლოცაა.

კონსტრუქტორი ანუ ე.წ. ლეგო სათამაშოები თითქმის ყველა ასაკის ბავშვს უყვარს. სხვადასხვა სირთულის ლეგოებს კი გრანდ სთორიზე იპოვით.

სიმართლე რომ გითხრათ, ბატუტი მხოლოდ ბავშვების გასართობად რატომ ითვლება ნამდვილად არ ვიცით. თუ შესაბამისი ზომის ბატუტს შეიძენთ, გვერწმუნეთ ბატუტი მთელი ოჯახის საყვარელი აქტივობა გახდება.